بوگون کابل شهری‌نینگ اۉن آلتینچی ناحیه‌سیده یوز بېرگن ترورچیلیک هجوم حقیده مطبوعاتی اعلامیه

ارک، کابل: افغانستان‌نینگ ترقیات و تینچلیک یاولری جنایتلری دوامیده بوگون کابل شهری‌نینگ اۉن آلتینچی ناحیه‌سیده دهشتلی بیر هجوم عملگه آشیریش بیلن باله‌لر و عیاللر قۉشیمچه بیر قنچه تینچ اهالینی شهید اېتدیلر.

بو جنایتلی قیلمیشنی قتّیق قاره‌لگن جمهور رئیس غنی، افغانستان خلقی و حکومت تینچلیک مصلحتی لویه جرگه‌نینگ قراری اساسیده تینچلیک لایحه‌سینی آلغه آلیب باره‌دی؛ بیراق، طالبلر ینه بیر یۉله بونده‌ی دهشتلی قانلی هجومنی عملگه آشیریش بیلن تینچ فقرانی اۉلدیریش و اورشگه دوام بېریش شوم نیتیدن قیتمه‌گنینی کۉرستدی دېدی.

اۉتکن هفته پاکستان‌گه سفر قیلگن مملکت جمهور رئیسی، افغانستان‌ده اوروشگه پایان بېریش و تینچلیک تامین بۉلیشی خصوصیده بو مملکت همکارلیگینی سۉره‌گن اېدی. جمهور رئیس‌نینگ تعبیریچه، پاکستان‌نینگ طالبلر اوستیده یېریک تاثیری بار. 

جمهور رئیس غنی، ترورچی گروه‌لر انسانیت و اسلامیتگه ضد یۉللر آرقلی شوم نیتلریگه اېریشیش اوچون آلیب باره‌جک سعی وحرکتلریگه قرمه‌ی؛ افغان قوراللی کوچلری بو پلید عنصرلرنی آلدیندن کۉره کۉپراق اویه‌لرینی نشانگه آلیب ضربه بېره‌دیلر دېیه تاکید قیلدی.

مذکور حادثه‌ده قربان بۉلگنلر عایله‌ اعضاسیگه اۉز چقور قیغوداشلیگینی بیلدیرگن مملکت جمهور رئیسی محمد اشرف غنی، تېگیشلی اداره‌لر مسووللریگه برچه امکانیتدن فایده‌له‌نیب یره‌لنگلرگه تېزده یاردم بېریشنی سۉره‌دی.#