غزنی شهریده‌‌گی ترورچیلیک هجومگه عاید مطبوعاتی اعلامیه

ارگ، کابل: اَچینرلیسی شونده کی بوگون اېرته‌لب طالبلر غرنی ولایتی‌نینگ مرکزیده دهشتلی ترورچلیک هجوم عملگه آشیریب مکتب اۉقووچیلری داخل بیر قنچه وطنداشلریمیزنی شهید و یره‌لنتیردی.

جمهور رئیس غنی بو جنایتچیلیک هجومنی قتّیق قاره‌له‌گنیدن علاوه، طالبلر اوشبو اویتلی و ننگلی هجوم مسوولیتینی ذمه‌سیگه آلیب تینچ اهالی اینیقسه گناه‌سیز باله‌لر و عامه اداره‌لرنی نشانگه آلیب افغانستان خلقی بیلن آچیق دشمن اېکنینی ینه بیر بار معلوم قیلیش بیلن بشری بیر جنایت عاملی بۉلدی دېدی.

جمهور رئیس‌نینگ تعبیریچه، طالبلر بو ترروچیلیک هجومنی عملگه آشیریش بیلن سۉزی و قیلمیشی جدی قرمه ـ قرشی اېکنینی بیلدیری. بو حرکت قطرده تینچلیک مذاکره‌گه دوام بېریشیگه قره‌مسدن؛ افغانستان‌ده تینچ اهالی اینیقسه باله‌لر و عیاللرنی اۉلدیریب قیزیل قانیگه قۉللرینی بۉییدیلر.

جمهور رئیس محمد اشرف غنی‌نینگ بیلدیریشیچه، طالبلر هیچ بیر زمان عادی اهالی اینیقسه باله‌لرنی هجوم آستیگه آلیب تینچلیک مذاکره‌ده امتیاز قۉلگه کیریته آلمه‌یدی.

شهیدلر عایله اعضالریگه اۉز قیغوداشلیگینی بیلدیرگن افغانستان اسلامی جمهورلیک ریاستی‌نینگ جمهور رئیسی محمد اشرف غنی، الله درگاهیدن شهیدلرگه بهشت بَرین و یره‌لنگنلر تېزده ساغه‌لیشینی سۉره‌یدی.#