بوگون کابل‌ده صادر ایتیلگن ترورچیلیک هجوم توغریسیده جمهور رئیسلیک سرایی‌نینگ مطبوعاتی اعلامیه سی

ارگ، کابل: بوگون توشدن آلدین افغانستان خلقی‌نینگ یاوولری ینه بیر بار ترورچیلیک هجوم صادر قیلدی. هجوم مارشال محمد قسیم فهیم حربی بیلیم یورتی قرشیسیده عملگه آشیریلدی. اوشبو ترورچیلیک هجومده بیرقنچه حربی محصل و تینچ اهالی شهید و یره‌لندی.

بو ترورچیلیک هجوم افغانستان جمهوریتی نینگ جمهور رییسی محمد اشرف غنی سعودیه عربستانی‌ده اسلامی دولتلر همکارلیک تشکیلاتی‌نینگ اون تورتینچی ییغینده قتنشه‌شیش اوچون بو مملکتگه سفر قیلگن بیر چاغده عملگه آشیریلدی.

مملکت یشاووچیسی، تینچلیک و آسایشته‌لیک نینگ دشمنلری بولمیش جنگریلر رمضان مبارک آییده هم بو جنایتگه قول اوردی. افغانستان دشمنلری بو ایش بیلن هیچ بیر زمان اوز شوم نیتیگه ایریشه آلمه‌یدی. اولر، بو ایش بیلن کوپراق خلق نینگ نفرتیگه سزاوار بوله‌دی.

بو حادثه‌نی قاره‌له‌گن افغانستان جمهور رئیسی محمد اشرف غنی قربانلر عایله‌سیگه اوز قیغوداشلیگنی بیلدیریب، یره‌لنگلر تیزده ساغه‌لیب کیتیشینی الله تعالی درگاهیدن سوره‌‌دی.#