جمهور رئیس غنی: ترانسپورت اتاقینی آچیشگه تیارمیز

جمهور رئیس غنی:  ترانسپورت اتاقینی آچیشگه تیارمیز

افغانستان اسلامی جمهوریتی‌نینگ جمهور رییسی محمد اشرف غنی بوگون کیچ مملکت‌نینگ بیر قطار ترانسپورترلری بیلن اوچره‌شدی.  اوشبو اوچره‌شووده بولرنینگ قیینچلیکلری، ایستکلری و تکلیفلرینی ایشیتیلدی.

بو اولتیریشده ترانسپورت وزیرلیگی‌نینگ بلند مرتبه‌لی رسمیلری هم بار ایدی. ترانسپورت قانونی تطبیق ایتیلیشی باره‌سیده تاکید قیلگن جمهور رییس غنی، ترانسپورت مخصوص اتاقی ایجاد بولیشی اوچون تیارمیز دیگن. لیکن، بو اتاق‌نینگ مسوولی تنله‌نیشی همده اقتصاد عالی کینگشی نینگ اعضاسی بولیشی اساسی شرط دیدی جمهور رییس غنی.

شونینگدیک جمهور رئیس غنی ترانسپورترلردن یوللر سقله‌نیب قالیشی و بوزیلیب کیتمس‌لیگی اوچون موترلرگه حددن کوپ یوک آرتمسلیکلرینی سوره‌دی. جمهور رئیس غنی، موترلرگه معیاردن کوپ یوک آرته‌دیگنلر بیلن قانون یوزه‌سیدن یانده‌شیله‌دی دییه علیحده تاکید قیلگن.

ترمینللرنینگ لایحه‌سی تیار ایکنلیگی خصوصیده اشاره قیلگن جمهور رییس غنی، بو لایحه ترانسپورترلر بیلن شریک قیلینیب اولرنینگ فکری آلینگندن سونگ عملگه تطبیق بولیش باسیقچگه اوته‌دی دیگن. او، جریمه‌لر همده مالیات مساله‌لری یاروتیلگندن کیین هم بو توغریده‌گی تخفیف خصوصیده قرار آلینه‌دی دیگن.

مملکت ترقیاتی اوچون ترانسپورت و ترانسپورترلرنینگ دییرلی رولی باره‌سیده اشاره قیلگن جمهور رئیس، حکومت ترانسپورترنینگ قیینچ‌لیگیگه ییتیشیدن علاوه، مسلکی کیشیلرنی بو ساحه‌ده تربیه‌لش و اولرگه اورگه‌نیش مرکزلر آچیش اوچون هم لازم فرصت یره‌ته‌دی دیدی.