کابل بیلیم یورتی‌نینگ سابق استادلریدن پوهاند عزیز احمد پنجشیری‌نینگ شهادتیگه تېگیشلی مطبوعاتی اعلامیه

ارگ، کابل: اۉتگن کون افغانستان یاوولری تقاعدگه چیققن همده کابل بیلیم یورتی‌نینگ سابق اتاقلی و علمی کادرلریدن بیری پوهاند عزیز احمد پنجشیرینی قندز- بغلان عمومی یۉلیده موتردن توشیریب شهید اېتگنلر.

اونینگ شهادتی حقیده‌گی خبرنی اېشیتگن جمهور رئیس غنی قتّیق قیغوله‌نیب، پوهاند عزیز احمد پنجشیرینی یورتیمیزنینگ اتاقلی و بیلیمدان شخصیتلریدن بیری اوله‌راق چمه‌سی یېتمیش ییل یَشب عمری‌نینگ کتّه قسمینی علمی، فرهنگی، مدنی و تاریخی بۉلیملرده صرفلشدن علاوه جماعه‌ده خذمت قیلیش مقصدیده مینگلب شاگردنی تربیه‌له‌گن اېدی دېدی.

افغانستان تاریخ و فرهنگی اوچون دېیرلی خذمت قیلگن شهید پوهاند عزیز احمد پنجشیری اۉزیدن اۉنلب علمی و تحقیقی اثرنی میراث قالدیردی.جمهور رئیس غنی بو مناسبت بیلن پنجشیری جنابلری‌نینگ خانه‌دانی، دوستلری و مملکت‌نینگ اکادمیک و فرهنگی جامعه‌سیگه تسلیت اَیتتیشدن بۉلکن، طالبان اۉلدیریش و قۉرقینچ تشلش بیلن بیزلرنینگ آدملریمیز اینیقسه بیلیمدان و قلم اېگه‌لری اراده‌سینی کوچ‌سیز اېته آلمه‌یدی دېدی.