جمهور رئیس غنی حاجیلرنینگ بیرینچی کارانیگه: سیزلرگه آسانلیک یره‌تیش بیزلرنینگ دینی، وجدانی و ملی بورچیمیز سنه‌له‌د‌‌ی

جمهور رئیس غنی حاجیلرنینگ بیرینچی کارانیگه: سیزلرگه آسانلیک یره‌تیش بیزلرنینگ دینی، وجدانی و ملی بورچیمیز سنه‌له‌د‌‌ی
افغانستان اسلامی جمهورلیک ریاستی‌نینگ جمهور رئیسی محمد اشرف غنی چهارشنبه‌دن پنچ‌شنبه‌گه اۉتر کېچه‌سی سعودیه عربستانیگه جونه‌گن افغانستانلیک حاجیلرنینگ بیرینچی کاروانی بیلن اوچره‌شیب اولر بیلن خیرلشدی.

حامد کرزی خلق ارا قۉنالغه‌سیده بۉلگن بو اوچره‌شووده بیرینچیدن مملکت حج اوقاف وزیرلیگی‌نینگ سرپرستی مولوی عبدالحکیم منیب صحبت قیلیب، جمهور رئیس‌نینگ حاجیلرگه کۉرستگن مخصوص اعتباریدن منتدارچیلیک قیلدی. اونینگ تعبیریچه، بو ییل افغانستانلیک حاجیلرگه برچه قوله‌یلیکلر اساسی شکلده یره‌تیلگن.

منیب بیرینچی اوچیشده ۳۴۰ حاجی سعودیه‌گه یېتکزیله‌دی دېدی. شونینگدېک افغان حاجیلریگه حج دستورلرینی اۉرگه‌تیش همده بولرنینگ یشه‌شی اوچون مناسب جایلرنی تیارلیش نیتده آلدیندن وزیرلیک‌نینگ مسوول کیشیلری سعودیگه بارگنلر دېدی او.

بو ییل حاجیلر اوچون آلینگن مخصوص تدبیر همده نظرده توتیلگن قوله‌یلیکلر باعث جاری ییل عبادتچیلری ۱۸ ییلگه قره‌گنده هیچ قنده‌ی معما بیلن روپه ره بۉلمسلیکلری ممکن. افغانستانلیک حاجیلرگه آق یۉل طلب قیلگن جناب منیب بولردن افغانستان تینچلیگی و آبادانلیگی اوچون دعا قیلیشلرینی سۉره‌دی.

حاجییلر نماینده‌لیگیده گپلشگن حاجی عصمت‌الله، حاجیلر اوچون ‌انابتگه آلینگن قوله‌یلیک همده جمهور رئیس‌نینگ تورلی بۉلیملرده‌گی یوتوقلریدن تشکرلیک اظهار قیلیب، جمهور رئیس‌نینگ تېگیلشی اداره‌لر مسووللریگه معین بویروق بېرگنی هر ییل اۉتیشی بیلن افغانستانلیک حاجیلرگه کۉپراق آسانلیک یره‌تیشلیگه سبب بۉلماقده دېدی.

بیت‌الله شریف زیارتیگه جونه‌گنلرنی تربیکله‌گن جمهور رئیس غنی سیزلر اسلام بېشینچی رکنی بۉلمیش حج فرضیه‌نی ادا قیلیش بختیگه مشرف بۉلدینگیز. بو مبارک سفر تورموشینگیز سۉنگگی‌گه قدر هر بیرینگیز اوچون اېنگ منگو ایسده‌لیک سفر بۉلیب قاله‌دی دېب بیله‌من.

جمهور رئیس غنی اسلام مقدس دینی بویوکلیگینی حج مراسمی ینه بوتون دنیادن بو یېرگه عبادت اوچون کېلگنلر عبادتیده کۉرینگلر. شونینگدېک جمهور رئیس غنی عبادتچیلر اوچون برچه قوله‌یلیک همده لازم درجه‌ده خذمتلرنی نظرده توتگن اداره‌لرنینگ مسووللریگه علیحده منتدارچیلیک بیلدیردی.

عین دَمدم جمهور رئیس غنی افغانستانلیک حاجیلردن حج عبادتی جریاینده اینیقسه ابراهم (ع) مقامی‌نینگ عبادتیده مملکت شهیدلری روحی شاد بۉلیشی و یره‌لنگنلر ساغله‌شی اوچون دعا قیلیشدن بۉلک، افغانستان‌ده ملی بیرلیک، آسایشته‌لیک، خوفسیزلیک، تینچلیک و اوروش یکونی همده افغانستان و اسلامی دولتلرده اسلامی بویوکلیک قیته تیکله‌نیشی اوچون دعا قیلیشلرینی سۉره‌دی.

افغانستانلیک حاجلرگه خطاب قیلگن جمهور رئیس غنی، سیزلرگه لازم درجه‌ده آسانلیک همده درست خذمت کۉرسه‌تیش هر بیریمیزنینگ دینی، وجدانی و ملی بورچمیز حسابلنه‌دی دېیه تاکید قیلدی. بولرنینگ هر بیریگه خاطر جمعلیک بیلن حج فرضیه‌لرینی بجا کېلتیریشنی الله‌دن سۉره‌گن سۉره‌گن جناب غنی، عبادتدن قیتگنینگیزده ینه اوچره‌شه‌میز دېدی.#