وزیرلر کېنگشی ییغینی جمهور رئیس باشچیلیگیده بۉلیب اۉتدی

وزیرلر کېنگشی ییغینی جمهور رئیس باشچیلیگیده بۉلیب اۉتدی

بوگون توشدن سۉنگ جمهور رئیسلیک سراییده افغانستان اسلامی جمهورلیک ریاستی‌نینگ جمهور رئیسی محمد اشرف غنی باشچیلیگیده کابینه‌نینگ ییغینی  بۉلیب اۉتدی.

دستلب مملکت جمهور رئیسی تینچ اهالی اینیقسه بلاغتگه یېتمه‌گن گودکلر شهادتیگه سبب بۉلگن سۉنگگی وقتلرده کابل و غزنی ولایتلریده یوز بېرگن شفت‌سیز و یاووز هجوملرنی قتّیق قاره‌له‌دی.

گناه‌سیز باله‌لرنی هجوم آستیگه آلیش افغانلیک بېلگیسی اېمس، بو قیلمیش تینچلیک مذاکره‌ده امتیاز آلیشگه باعث بۉلمه‌ی بلکه خلق‌نینگ کۉپراق نفرتیگه سبب بۉله‌دی دېدی جناب غنی.

افغانستان اسلامی جمهورلیک عالی مقامی‌نینگ سابق باشلیغی اوله‌راق خذمت قیلگن جناب عبدالسلام رحیمیگه اۉز تشکرلیگینی بیلدیرگن جمهور رئیس غنی، جمهور رئیسلیک ایشلری بۉییچه باشقرمه باشلیغی داکتر فیض‌الله کاکر، تکنالوژی مخابرات و معلومات وزیرلیگی‌نینگ سرپرستی فهیم هاشیمی، عالی تحصیلات وزیرلیگی‌نینگ سرپرستی عبدالتواب بالا کرزی، جمهورلیک ریاستی‌نینگ فرهنگی ایشلری بۉییچه مصلحتچیسی شاه‌حسین مرتضوی و جمهورلیک ریاستی عالی مقامی‌ عمومی دفتری‌نینگ حکومتچیلیک و برنامه‌لر بۉییچه اۉرین باسری محمد هارون چخانسوریلرنی کابینه ییغینیگه خوش کېلیب سیز دېب تاپشیریلگن ایشلرنی موفقیت بیلن آلغه آلیب باریشلری اوچون الله‌دن کمک سۉره‌دی.

کون ترتیبی اساسیده عدلیه وزیری حقوقی مساعدت مقرره انتظام لایحه‌سی، روحی کسللیکلرنی ترتیبگه سالیش لایحه‌، تنظیم وترتیبگه سالیش لایحه، قباله‌نی رویخطگه آلیش و خلق ارا اتومبیل ترانسپتورت تیزیمی عملگه آشیریش اوچون لایحه‌لرنی رویخطه آلیش و یول خریطه‌سینی ایشلب چیقاریش، اولرنینگ هر بیری انسانلرگه خذمت کۉرسه‌تیش و تېگیشلی ترماقلرنی رواجلنتیریش اوچون قله‌ی شرایطلرنی تامینلشده مهم اهمیتگه اېگه مساله‌لر ییغینگه تقدیم قیلیندی. وزیرلر کېنگشی مذکور لایحه‌لرنی تصدیقلب، اېسله‌تیلگن لایحه‌لر کابینه‌نینگ کیریتگن اۉزگریشی اساسیده نهایی بۉلیشی اوستیده تاکید بۉلدی.

کېین عالی تحصیلات وزیرلیگی‌نینگ سرپرستی بیلیم یورتلر همده خصوصی عالی تحصیلات موسسه‌لری‌نینگ کانور سیناوی طرزالعمل لایحه‌سینی وزیرلر کېنگشیگه تقدیم قیلدی.

کابینه ییغینی اوشبو طرزالعمل‌نی پرنسیب اساسیده قبول قیلیب عالی تحصیلات وزیرلیگی‌گه بو طرزالعمل‌گه کیریتیلگن اۉزگریشلردن سۉنگ مالیه وزیرلیگی همکارلیگی بیلن بو حقده آگاهلیک بېریش پلانینی ترتیب قیلیب کوچگه کیریتیلیشی معقوللندی.

ییغینده مالیه وزیرلیگی‌نینگ پالیسی ایشلری بۉییچه معینی جانلی شکلده سالیق ییغیش اظهارنامه خصوصیده‌گی تکلیفنی انجمن‌گه تاپشیریب بو لایحه کوچگه کیریتیلیشی بیلن سالیق تولاووچیلرگه کۉپراق قوله‌یلیک یره‌تیلیشینی بیلدیردی. مذکور لایحه‌لر وزیرلر کېنگشی آرقلی محاکمه بۉلگن کېین قبول قیلیندی.

شو کبی کابینه ییغینی‌نینگ جریانیده شهر قوریش وزیرلیگی‌نینگ سرپرستی کابل ولایتی‌نینگ بگرام  تومنیگه قره‌شلی دولت‌نینگ ۷ جریب یېریده نا دولت تشکیلاتلردن بیری تامانیدن قراوسیز باله‌لرگه دارالایتام قوریش حقیده‌گی تکلیفنی جلسه‌گه تقدیم قیلدی.

وزیرلر کېنگشی مجلسده وزیرلیک‌نینگ معقوللش حقیده‌گی طلبی تصدیقلندی، یېر بوتونلیگی و شهر قوریش، ایش و اجتماعی ایشلر وزیرلیگی، نا گرانلر و شهیدلر ایشلری بۉییچه دولت وزیرلیگی‌نینگ اداره‌سی نظارت و خذمت کۉرسه‌تیش صفتی بۉییچه اوچ تامانلمه کېلشوونی طلب قیلدی. بېلگیلنگن مقصدنی عملگه آشیریش اوچون اوزیگه خاص مجبوریت و شرطلرگه قره‌ب اولر انیق طرزده توزیشلیش و امضاله‌نیشی کېره‌گلی بیلدیریلدی. شونینگدېک وزیرلر کېنگشی یېر بوتونلیگی و شهر قوریش وزیرلینگی ۷ جریب یېرنی آلدیندن تعیین بۉلگن مقصد اساسیده تیارلب اۉتکزیش طلب قیلینگن.