خلق ارا تینچلیک کونی مناسبتی بیلن جلالتماب جمهور رئیس‌نینگ پیامی

بوگون خلق ارا تینچلیک کونی افغانستان هر بیر پیتدن کوره برقرارلیک، امنیت و رواجله‌نیش یاولری‌نینگ اوروش و تهدیدلریگه کوپراق گواه بولیب تورگن بیر چاغده تینگ کیلماقده. خلق ارا تینچلیک کونی مناسبتی بیلن دنیانینگ برچه دولتلری قاله ویرسه دایم اوروش ظلمتیده بولیب تینچلیک سیوگن افغانستان خلقینی قوتلوغله‌یمن.

خلق ارا تینچلیک کوننی نشانلش حقیقتده بیرلیک و بیردملیک، انسانی کرامت و خوشبخت‌لیکده حیات کیچریش اوچون انسان‌نینگ اینگ ایچکی تویغو و احساسینی خاطرلش بیلن ماس دیر.

ملی بیرلیک حکومتی اوتگن بیش ییل آقیمیده مملکت‌ده عزتلی، عدالتلی و دایمی بیر تینچلیککه ایریشیش اوچون کوپ سعی و حرکتلرنی آلیب باردی. بونینگ نتیجه‌سیده قوشنی مملکتلر، منطقه دولتلری و دنیا بویلب اجماع اورته‌گه کیلیشگه هم سبب بولدی. عین دَمده بو سعی وحرکت‌نینگ نتیجه‌سی افغانستان تینچلیک مساله‌سینی چیتدن متنگه کیلیب، اولکه خلقینی هر بیر زماندن کوره ایندی دایمی بیر تینچلیککه ایریشیشی اوچون زمینه یره‌تیلدی.

تینچلیک موضوعنی شبهه‌سیز افغانستان سیاستی‌نینگ جاری مذاکره‌سیگه ایلنتیرگنیمیز فخرگه سزاوار.

تینچلیک خریطه‌سینی معین توزیش اوچون جاری ییل نینگ ثور آییده تینچلیک مصلحتی لویه جرگه اوتکزیلدی و افغانستان خلقی‌نینگ ایسته‌گی اساسیده اوشبو لویه جرگه‌نینگ قراری چهار چوبه‌سیده مذکور پروسه‌نی یخشی و تیز آلغه آلیب باریش نیتده تینچلیک بوییچه دولت‌نینگ وزیرلیگی ایجاد قیلیندی. بو ایسه، تینچلیک یولیده حکومت‌نینگ قتّیق اراده‌سی بارلیگی نینگ انیق بیلگیسی دیر البته.

دایمی بیر تینچلیککه ایریشیش دقت، جرئت و یخلت نیت طلب قیلیشینی آچیق ایتیش کیره‌ک. دایمی بیر تینچلیک بیزلردن عدالت و انسانی کرامت طلب ایته‌دی. عیال و ایرکک قوشیمچه افغانستان بوتون خلقی‌ حق و حقوقی کفالت بولگن حالده، اونده تینچلیک و آسایشته‌لیککه ایریشیلدی دیسه توغری کیله‌دی.

افغانستان‌ده دوام ایتگن قیرق ییللیک جَنجال‌نینگ حل یولی فقط سیاسی یولنی باسیب اوتیش بیلن ممکن و بونینگ اوچون هم اینگ یخشی یول سیاسی مشارکت، سیلاونی قوللب قووتلش و جمهوریت تیزیمنی حمایه قیلیش دیر. سیلاو ملی بیر پروسه سنه‌له‌دی. بو ایسه هر بیر افغان باشقه بیر افغان بیلن تینگ ایکنینی کفالتله‌یدی.

تینچلیک تامین بولیشی اوچون مین و همکارلریم ایجابی و یوتوقلی سعی و حرکتلرنی قیلگن میز. تینچلیک بحثی فقط حکومتگه تیگیشلی ایمس؛ بلکه بونینگ بیر تامانیده اسلامی جمهوریت تیزیمی‌نینگ کلیدی تورگن.

افغانستان اسلامی جمهوریتی ینه صلح‌گه چقیرگن. حقیقی تینچلیککه ایریشیش اوچون صلح و قان توکیشنی توخته‌تیش کیره‌ک. اوروش بو ییچیم ایمس. تینچلیک بو الهی بیر ترتیب. اسلام عالمنی‌نینگ بیرچه ایشانچلی مرکزلری و برچه دین عالملری افغانستان‌ده‌گی جاری اوروش حراملیگینی تصدیق ایتگنلر. اگر طالبان تینچلیکنی ایسته‌سه، بیز بیر لحظه گینه اوروش دوام ایتتیریشنی خواهلمه‌میز و بو ییرده قان توکیلیشده عیب تینچلیک و صلح‌نی قبول قیلمه‌ی دیگنلر تامانیده ایکن‌لیگی کورینیب تورگن.

بو ییرده بویوک و اتاقلی شاعر استاد خلیل الله خلیل‌نینگ بیر بیت شعرینی کیلتیریشنی موافق کوردیم

جریان سیل خون نبوَد افتخار مرد

مرد آن بوَد که خشک کند چشم تر همی

زنده باد افغانستان

ژوندی دی وی افغانستان

یشه‌سین افغانستان