ارگ‌ده آیت‌الله العظمی شیخ محمد آصف محسنی‌نینگ روحیگه دعا قیلیش و فاتحه اوقیش مراسمی اوتکزیلدی

ارگ‌ده آیت‌الله العظمی شیخ محمد آصف محسنی‌نینگ روحیگه دعا قیلیش و فاتحه اوقیش مراسمی اوتکزیلدی

بوگون توشدن آلدین جمهورلیک ریاستی‌نینگ دلگشا قصریده رحمتلی آیت‌الله العظمی شیخ محمد آصف محسنی‌نینگ روحیگه دعا قیلیش همده فاتحه اوقیش مراسمی اوتکزیلدی. بو مناسبت بیلن ریجه‌لنتیریلگن ییغینده افغانستان اسلامی جمهوریتی‌نینگ جمهور رئیسی محمد اشرف غنی اشتراک ایتگن ایدی.

بو مراسمده جمهور رئیس محمد اشرف غنی‌دن علاوه اونینگ ایکّینچی اورین باسری استاد سرور دانش، قاضی القضات سید یوسف حلیم، سنا مجلسی‌نینگ باشلیغی فضل الهادی مسلمیار، کابینه نینگ اعضالری، پارلمان اعضالری، دولت نینگ یوقاری مرتبه‌لی رسمیلری، افغانستان دین عالملری کینگشی‌نینگ باشلیغی و اعضالری و شیعه مذهبلیلر کینگشی‌نینگ باشلیغی و شیخ محمد آصف محسینی‌نینگ ایزداشلری قتنشگن ایدیلر.

فاتحه‌ده اشتراک قیلگن جمهور رئیس غنی همده باشقه قتنشووچیلر آیت‌االله العظمی شیخ محمد آصف محسینی‌نینگ روحیگه دعا قیلیشدن علاوه اونگه الله تعالیدن یاتگن ییری بهشت بَرینده بولیشینی طلب قیلدیلر.#