کابل شهری‌نینگ کارته‌ سخی منطقه‌سیده بیر عایله‌نینگ ییتّی اعضاسی اولدیریلگنی توغریسیده‌گی مطبوعاتی اعلامیه

ارگ، کابل: افغانستان اسلامی جمهوریتی جمهور رئیسی محمد اشرف غنی ایچکی ایشلر وزیرلیگی‌نینگ سرپرستی مسعود اندرابیگه، جاری ییل جوزا آیی‌نینگ بیشینچی‌سیده کارته سخی منطقه‌سیده شفقت‌سیز روشده بیر عایله‌نینگ ییتّی اعضاسی اولدیرلگن خانه‌داننی یقیندن باریب کوریشدن علاوه، واقعه‌ عامللرینی تاپیب قانونگه تاپشیریشی حقیده جدی بویروق بیردی.

بو قانلی حادثه اینیقسه بلاغتگه ییتمه‌گن باله‌لر شفقت‌سیز روشده اولدیریلیشی خصوصیده اوز قیغوداشلیگینی بیلدیرگن جمهور رئیس غنی، واقعه‌نینگ عامللرینی جنایتچی و رحم‌سیزدیب، بولر تیز آره‌ده قولگه آلینیب جزالنه‌دی دیگن.

بو عایله‌نینگ آرتده قالگنلریگه اوز قیغوداشلیگینی اظهار قیلگن مملکت جمهور رئیسی جناب غنی، الله تعالی درگاهیدن شهیدلرگه بهشت بَرین، یره‌لنگنلر تیزده ساغه‌لیشینی سوره‌یدی.