امریکا قۉشمه ایالتلری جمهور رئیسی‌نینگ اظهاراتیگه عاید مطبوعاتی اعلامیه

کابل، ارگ: افغانستان دنیا دولتلری‌نینگ اېنگ قدیمگی تاریخگه اېگه ملتلریدن سنه‌له‌دی. بو مملکت تاریخ آقیمیده تورلی بحرانلردن اۉتیب کېلگن. افغانستان اېلی اۉزی‌نینگ سیاسی  تقدیری تۉغریسیده قرار قبول قیلیش اوچون هیچ بیر تشقی دولتگه  رخصت بېرمه‌گن و بېرمه‌یدی.

بیزنینگ دنیا اینیقسه امریکا قۉشمه ایالتلری بیلن موجود همکارلیک و شراکتیمیز بیر ـ بیراو‌نینگ حرمت و منفعتی اساسیده استوار. افغانستان‌ده تینچلیک تامین بۉلیشی یۉلیده امریکه‌نینگ آلیب بارگن همکارلیگیدن منتدارچیلیک بیلدیرگن حالده؛ لېکن مملکتیمیز تقدیری تۉغریسیده افغانستان رهبری‌نینگ اشتراکی‌سیز ییغینلرده قرار قبول قیلینیشی اصلا مقصدگه موافق اېمس.  بیزنینگ افغانستان دنیا سیاستی صحنه‌سیده اۉز کوچ و اقتداری بیلن قاله‌ویره‌دی.

افغانستان اسلامی جمهوریت دولتی رسمی کابل و واشنگتن اۉرته‌سیده‌گی مناسبتلرنی نظرده توتگن حالده، دولت و دیپلوماتیک یۉل بیلن جمهور رئیس ترامپ‌نینگ پاکستان باش وزیریگه افغانستان حقیده‌گی اظهاراتی خصوصیده واشینگتن‌دن ایضاح بېریلیشینی سۉره‌یدی.

افغانستان اسلامی جمهوریت دولتی اوشبو مساله‌ و بو کبی موضوعلرگه عاید هر قنده‌ی اۉزگریشنی دایمی شکلده افغانستان خلقی بیلن اۉرته‌گه قۉییب کېلگن.