کابل شهریده بیر تویده یوز بیرگن ترورچیلیک هجومگه عاید مطبوعاتی اعلامیه

تاسف بیلن بیر قنچه عزیز وطنداشلریمیز توی مراسمی مناسبتی بیلن ییغیلیب بیره‌م قیله دیگن چاغده ترورچیلیک هجومی آستیگه آلیندیلر، بو قانلی واقعه ده بیر قنچه وطنداشلریمیز شهید بولیب ایریملری ایسه آغیر یره لندی.

افغانستان دشمنلری تامانیدن عملگه آشیریلگن بو دهشتلی حادثه نی قتیق قاره له گن افغانستان جمهور رئیسی محمد اشرف غنی، بونی انسانیت و بشریت اوچون کیچیریلمس بیر جنایت دیدی. تینچ اهالی خوشلیک مراسم، مکتبلر، مسجدلر، بازارلر و عامه مکانلرده هجوم آستیگه آلینیب اولدیریلشی ترورچی گروه لر نینگ اینگ یاووز ایکنینی بیلدیره دی دیدی جمهور رئیس غنی.

جمهوری رئیس غنی، دنیا هم‌جمعیت دولتلری جنگری گروه لرنینگ بشریتگه، قرشی بونده‌ی قیلمیشی توغریسیده جیم تورمسلیگی کیره‌ک دیدی. بو قانلی حادثه هر تامانلمه تیکشیریلیشی اوچون امنیتی اداره لرگه جدی بویوروق بیردی جناب غنی.

عین حالده جمهور رئیسی محمد اشرف غنی، طالبان حرکتی بو و بونگه اوخشش حادثه لرنی قاره لش بیلن هیچ زمان اوزلرینی آقله آلمه‌یدیلر دییه اورغوله دی. چونکه بو حرکت هر دایم بو قبیل جنایتلرنی بار – بار عملگه آشیریب کیلگن.

جمهور رئیس غنی نینگ تاکیدلب ایتیشیچه، افغانستان خوفسیزلیک و دفاعی کوچلری اوشبو گناه سیز خلق نینگ تامچی – تامچی قانی نینگ انتقامی ترورچیلردن آلیش اوچون آلدینگی دن کوره کوپراق اولگوره دیلر. ملی کوچلر حربی قانون و قاعده یوزه سیدن یانده شیب ترورچیلرنی مملکت نینگ هر بورجیده نابود ایته دی دیدی غنی جنابلری.

عین دمده اولکه امنیتی و دفاعی کوچلریگه حادثه نینگ اصلی عامللرینی تاپیش یولیده برچه امکانیت دن فایده له نیشنی ایتگن، شوکبی بو قانلی واقعه ده آرتیدن جمهور رئیس غنی بوگون اوچون برچه سیلاو کمپاینینی توخته تیب، مملکت وضیعتی اساسی شکلده اورگه نیلیشی اوچون خوفسیلیک ییغین اوتکزه دی. شونینگدیک جمهور رئیسی محمد اشرف غنی شهیدلر عایله سیگه اوز قیغوداشلیگینی بیلدیریب اولگنلرنینگ جایی بهشتده و یره لنگنلر تیزده ساغه لیشینی الله تعالیدن سوره دی.