حجت‌الاسلام عبدالقیوم انصاری شهید اېتیلیشی و غزنی‌ ولایتیده بیر مسجدده یوز بېرگن هجوم حقیده مطبوعاتی اعلامیه

ارگ، کابل: افغانستان خلقی‌نینگ دشمنلری اۉتکن کون قندوز ولایتی‌نینگ پل آلچین منطقه‌سیده اوشبو ولایت‌نینگ شیعه مذهبلی قوملر کېنگشی‌نینگ باشلیغی حجت‌الاسلام عبدالقیوم انصاریگه قرشی هجوم اویوشتیریب اونی شهید اېتدیلر.

اونینگ شهید اېتیلگنی خبرینی اېشیتیش بیلن آغیر قیغوگه باتگن افغانستان جمهور رئیسی محمد اشرف غنی، عبدالقیوم انصاری اولکه‌نینگ اتاقلی شخصیتی صفتیده بیلیم و مدنیت یۉلیده قیلگن فعالیتدن تشقری قوملر و مذهبلر ارا برقرار و بیردملیک رویحه‌سینی یره‌تیش اوچون یېریک خذمتلرنی بجرگن دېدی.

شهید عبدالقیوم انصاری خانه‌دانی و دوستلریگه اۉز قیغوداشلیگینی بیلدیرگن جمهور رئیس غنی، افغانستانلیکلرنینگ یاولری دهشت و ترورچیلیک عمللرگه قۉل اوریش بیلن خلق‌نینگ مملکتنی آبادانلشتیریش یۉلیده‌گی اراده‌سیگه هیچ قنده‌ی تۉسیق بۉله آلمه‌دیلر دېگن.

شونینگدېک جمهور رئیس غنی، غزنی ولایتی‌نینگ مرکزی خاک غریبان منقطه‌سیده‌گی بیر مسجدده یوز بېرگن ترورچیلیک هجومنی قتّیق قاره‌لب، مسجدلر، مقدس مکانلر، بویوکلر، دین عالملری، تینچ اهالی، خاتینلر و باله‌لرنی نشانگه آلیش اسلام دینیده اۉرنی یۉق دېیه ینه بیر بار تاکید قیلدی.

جمهور رئیس‌نینگ تعبیریچه، ترورچیلر قۉرقینچ تشلاوچی فعالیتلر بیلن ینه بیر بار اسلامی قدریتلرگه قرشی بۉلگنینی کۉرستدی.#