طالبلرنینگ قندز شهریگه قیلگن هجومیگه تیگیشلی مطبوعاتی اعلامیه

ارگ، کابل: تاسف بیلن طالبان گروهی قندز شهریگه هجوم قیلیب تینچ اهالی یشش اوی ـ جایی قوشیمچه بیر قنچه نا حربی اداره‌لرگه زیان ییتکزیش بیلن شهرده قورقینچ و دهشتلی فضا یره‌تیشگه اولگوردی؛ لیکن، قوراللی طالبلرنینگ بو هجومیگه اولکه‌نینگ امنیتی و دفاعی کوچلری قتّیق جواب بیریب اولرنی آرتگه اوردی.  

طالبان حرکتی تینچ اهالی یشش اوی ـ جایی و عامه خلق فایده‌له‌نووچی ییرلرنی نشانگه آلیشدن بولک عادی مردمنی قلقان قیلیب، یشاووچیلرگه زیان ییتکزیش بیلن بو یورت خلقی بیلن دشمن ایکنی و اوروشگه دوام بیریشگه حلی هم اراده‌سی بارلیگینی ینه بیر بار کورستدی.

طالبان‌نینگ بو قورقینچ تشلاووچی هجومینی قتّیق قاره‌لگن مملکت جمهور رئیسی، مملکت یشاووچیلری جانی و مالینی سقلش حکومت اوچون بیرینچی اورینده شونینگ اوچون بو توغریده قتّیق تعهدیمیز بار دیدی.

جمهور رئیس غنی‌نینگ کوپه‌یتیریشیچه، طالبان نینگ بو قبیل قیلمیشی بو حرکت رهبرلری‌نینگ دوحه‌ده جریان ایته‌یاتگن ییغینیگه قرشی دیر. افغان خلقی اوروشنی توگه‌تیب، تینچلیککه ایریشیشنی ایسته‌یدی ـ ده، کیشیلر دایم مناسب یشه‌یدیگن تینچلیک طلب قیله‌دی.

افغانستان ملی کوچلری طالبان گروهی‌نینگ بو هجومیگه وقتیده جواب بیرگنی اوچون بولرگه رحمت دیگن جمهور رئیس غنی، ملی کوچلر اوشبو یورت‌نینگ صادق فرزندلری اوله‌راق هر دایم باتورلیک و جان‌فدالیک بیلن اولکه یشاووچیلری‌نینگ جانی و مالینی سقلب کیلگن.#