کابل شهریده اویوشتیریلگن هجومگه عاید مطبوعاتی اعلامیه

ارگ، کابل: فتنه‌چی ترورچیلر و افغانستان خلقی‌نینگ یاولری اۉز جنایتی دوامیده بوگون کابل شهری‌نینگ تینچ اهالی یشه‌یدیگن منطقه‌لریدن بیریده ترورچیلیک هجوم عملگه آشیریب ینه بیر قنچه یورتداشلریمیزنی شهید و یره‌لنتیردی.

افغانستان اسلامی جمهورلیک ریاستی‌نینگ جمهور رئیسی محمد اشرف غنی بو یاووز هجومنی قتّیق قاره‌لشدن تشقری، افغانستان خلقی اولکه‌ده اوروش و نا برقرارلیککه پایان بېریش آرزوسیده بوگون جمهور رئیسلیک سیلاو ترغیباتینی باشله‌دیلر دېیه اشاره قیلدی. لېکن، افغانستان‌نینگ قسم ایچکن یاولری و بولرنی قۉللب ـ قوتلاوچیلر بونده‌ی دهشتلی هجومنی عملگه آشیریش بیلن بویوک ملت‌نینگ اراده‌سیگه تۉسیق یره‌ته آلمه‌یدیلر دېدی او.

شونینگدېک جمهور رئیس غنی، بو قانلی حاثه‌ده شهید بۉلگنلر خانه‌دانیگه اۉز قیغوداشلیگینی بیلدیریب، شهیدلرگه الله‌دن بهشت بَرین و یره‌لنگنلر ساغه‌لیشینی طلب قیلدی. واقعه‌ده یره‌لنگنلر دواله‌نیشی اوچون تېگیشلی اداره‌لر مسووللریگه بویروق بېردی جمهرو رئیس غنی.