کابل شهری‌نینگ توقّیزینچی ناحیه‌سیده یوز بیرگن ترورچیلیک حادثه‌گه عاید مطبوعاتی اعلامیه

ارگ، کابل: افغانستان تینچلیک و برقرارلیگی‌نینگ یاولری جنایتلری‌نینگ دوامیده، بوگون ایرتلب کابل شهری‌نینگ نا حربی منطقه‌سی بولمیش توقّیزینچی ناحیه‌ده ترورچیلیک هجوم عملگه آشیریب، تاسف بیلن بیر قنچه گناه‌سیز وطنداشلریمیزنی شهید و ایریملرینی یره‌لنتیردی.

طالبان تامانی بو هجومده چیت ایللیک حربیلر کاروانی نشانگه آلینگنینی ادعا قیلگن، حال بوکه واقعه‌گه قره‌گنده بو قانلی جنایت‌نینگ برچه قربانلری تینچ اهالی ایکنی آچیق کورینیب تورگن.

طالبان‌نینگ بو دهشتلی قیلمیشی مذکور گروه قنچه‌لیک جنایتچی، یالغانچی، مکار، فاسد، منافق و دین‌سیز ایکن‌لیگینی ینه بیر بار اثباتله‌دی.

دنیا همجمعیت دولتلری طالبان‌نینگ قیلمیشیگه اعتبار بیریب حاضر قنده‌ی بیر جنایتچی و قان‌خور گروه بیلن معامله‌ده ایکنینی بیلیشی کیره‌ک. اوشبو قان‌خور گروه هر کون تینچ اهالی، عامه خلق فایده‌لنووچی موسسه‌لر، گناه‌سیز انسانلر و بلاغتگه ییتمه‌گن گودکلرنی قانگه بولغه‌یدیلر.

افغانستان اسلامی جمهوریتی‌نینگ دولتی دنیادن بو قبیل جنایتچی و دهشتلی قیلمیشی‌‌نینگ مقابلیده جیم تورمه‌ی اصلی آماجی گناه‌سیز انسانلرنی اولدیریش بولگن بو قان‌خور گروه کیملیگینی تانیش لازم.

جنایتچی طالبلرنینگ بو قیلمیشینی قتّیق قاره‌لگن جمهور رئیس غنی، حلی هم گناه‌سیز انسانلرنی اولدیرووچی، و تینچلیکنی تانیمه‌ی بونگه ایشانچی بولمه‌گن گروه بیلن یره‌شیش هیچ‌ وقت تینچلیک تامین بولیشیگه سبب بولمه‌یدی دیدی.

دنیا جماعه چیلیگی طالباننی ترورچیلیک گروه اوله‌راق بشریتگه قرشی جنایتلرنینگ مسوولی دیب بولرنینگ یاووز قیلمیشلریدن کوز یومسلیگی کیره‌ک.

بوگونکه قانلی حادثه‌ده یره‌لنگنلر دواله‌نیشی اوچون تیگیشلی اداره‌لرنینگ مسووللریگه جدی بویروق بیرگن جمهور رئیس محمد اشرف غنی، شهیدلر عایله اعضاسیگه اوز قیغوداشلیگینی بیلدیریب و یره‌لنگنلرگه الله تعالی درگاهیدن تیزده ساغه‌لیشلرینی سوره‌دی.